Goiena Aseguru Artekaritza 2003. urtean sortu zuen zure zerbitzura jarriko den eta aseguruen merkatuan esperientzia handia daukan talde batek. Gure langileak, arlo honetan, gero eta adituagoak, espezializatuagoak eta erabakiak hartzeko prestuagoak direnez, bezeroen zorro handi eta askotariko bat ari gara sendotzen. Aseguruen inguruko zerbitzu profesionalak lantzen ditugu erabiltzaile eta enpresei zuzenduta, eta bulego desberdinetan dihardugu, kolaboratzaileen sare zabal eta bikain baten babesarekin.
Oso eroso sentitzen naiz neure larruan, naizena naizelako, garena garelako. Konprometitua eta solidarioa, beti laguntzeko prest, baina adi!, ez edozein modutan. Serie on bat, rock kontzertu on bat, seme-alabak zoriontsu ikusi… zer gehiago eska daiteke? Badakit, rock and roll gehiago!
Gertukoa, detailezalea, lagunartekoa eta gogotsua, aurrez aurreko harremanetan sinesten dut. Ipurterrea naiz izatez, beti darabiltzat proiektu berriak buruan eta patuak eramaten nauen lekuetara bidaiatzen dut… jakina, motoan eta lagun koadrila on baten konpainian; ahal bada, noski. A, mesedez, telefonoz, beharrezkoa baino ez!
Proiektu handi bati ekiteko, ausardia behar da; amaitzeko, ilusioa eta pertseberantzia. Bidean, bidegabekeriek eta zailtasun arbitrarioek amorrarazten naute. Samurrena, gauzak erraz, eskuragarri eta denontzako ulergarri egitea da baina! Tira, behintzat ahalegina egin behar da, bilatu eta jateko onddo erakargarri bat ez dagoen bitartean, jakina…
Izan naiteke dibertigarria, alaia, harroa, kementsua, baikorra. Baina tira, ez diot mihiari eutsiko sentitzen dudana esateko, akats asko daukat, bertuteren bat ere bai, barkamena eskatzen dut benetan merezi duenean; bestela, jai. Erronka handiek liluratzen naute… mugak non dauden jakin, baina beti muga horiek gaindituz.
Datorrena datorrela, bizitzan zalapartarik gabe joaten saiatzen naiz, estutasunik gabe eta konplexurik gabe, adinak ematen digun eskarmentuarekin. Lagun arteko poteo bat, familiak eskaintzen didan harmonia eta Floridako Abesbatzarekin edo Amalur Abesbatzarekin egiten ditudan entsegu eta emanaldiak dira asko estimatzen ditudan gauzak. Atsegina naiz jendearekin eta, ahal denean, bidaiaria. Eta ezin denean, paseo batekin konformartu behar! Labur esanda, bizitzak eta astialdiak eskaintzen dizkigun une txiki eta handi horietaz gozatzen dut.
Gehien maite dudan kirolak nigan utzi duen arrastoarekin eta lortu dudan guztiarekin harro, ohituta nago erronkei eta presioari aurre egitera, nire bezeroekin batera borrokatu eta ahal dudan guztia ematera; maite ditut balioak eta leialtasuna, eta egiten dudan horretan sinesten dudalako lortzen ditut nire helburuak. Eta, hori gertatzen den bitartean, jatordu gozo bat prestatzen dut nire familia eta lagunentzat, eta bizitzaren plazer txikiez gozatzen dut…
Batzuetan zuk zeuk marraztu behar dituzu zeure lorea eta zeure egunsentia; aldi berean, izan behar duzu adeitsua, saiatua, gertukoa, koketa xamarra, eta gauzak ondo egin, eta beste batzuei ondo eginarazi, jakina. Hori da niretzat okerrena! Bien bitartean, ilusioa erraz pizten zait eta kutsatu egiten dut entusiasmoa. Esaten dutenez, gazteena naizelako da… Ez! Jarrera hori norberak darama barruan.
Nire ordenagailuko pantailari itsatsita ez nagoenean, seme-alabekin eta familiarekin gozatzen dut, ahal bada mendian, urpekaritzan edo, besterik gabe, liburu on bat irakurtzen. Ez diezadatela kendu ostiraleko kafea adiskideekin, arren! Lanarekiko konprometitua, sentibera, zuhurra eta baikorra, baina lehenik eta behin pertsona ona izaten ahalegintzen naiz. Zertarako haserretu?, lasai biziz gero gure osasunak eskertuko du! baina ahotsa altxatu behar bada… ezustekorik ez, mesedez.
Osasuna da nire kezka eta horren inguruan doa nire lana ere. Arduratsua, naturala eta ibiltaria. Ahal denean…noski! Eta familia giroan bada, askoz hobe.
Nere buruarekin oso zorrotza naiz, batzuetan nire aurka joan arren. Baina, hala ere, ikasten jarraitzeko asmoa dut nire ametsak betetzen saiatzen naizen bitartean.
Azkenean heldu da gure enpresak beha zuen bizigarria! Honez gero, agure hauek egur pixka bat behar zuten-eta. Hori bai, beti prest guztiengandik ikasteko. Jakin badakit bide luzea dagoela egiteko, ausardiaz eta freskotasuna galdu gabe. Beti moldatzeko gaitasunarekin. Bide horretan, nire lagun leialak: gitarra, adiskideak, garagardo batzuk, musika ona… Eta, zergatik ez, motor-puska bat!
